Skip to main content

မြန်မာလွှတ်တော်နှင့် Hanns Seidel Foundation-HSF တို့အကြား ချုပ်ဆိုသည့် မြန်မာလွှတ်တော်များ ဖွံ့ဖြိုးတိုးတက်ရေး ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာ သက်တမ်းတိုး(MoU) လက်မှတ်ရေးထိုးပွဲကျင်းပ

မြန်မာလွှတ်တော်နှင့် Hanns Seidel Foundation-HSF တို့အကြား ချုပ်ဆိုသည့် မြန်မာလွှတ်တော်များ ဖွံ့ဖြိုးတိုးတက်ရေး ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာ သက်တမ်းတိုး(MoU) လက်မှတ် ရေးထိုးပွဲကို ယနေ့ မွန်းလွဲ(၁၄၀၀)နာရီတွင် လွှတ်တော်ရေးရာဆောင် I-9 ၌ ဆောင်ရွက်ခဲ့ပါသည်။ လက်မှတ်ရေးထိုးပွဲသို့ လွှတ်တော်များဖွံ့ဖြိုးတိုးတက်ရေးဆိုင်ရာ ပေါင်းစပ်ညှိနှိုင်းဆောင်ရွက်ရေးအဖွဲ့-JCC ဥက္ကဋ္ဌ၊ ပြည်ထောင်စုလွှတ်တော် ဒုတိယနာယက၊ ပြည်သူ့လွှတ်တော် ဒုတိယဥက္ကဋ္ဌ ဦးထွန်းထွန်းဟိန် နှင့် JCC အဖွဲ့ဝင်များ၊ Hanns Seidel Foundation-HSF မှ တာဝန်ရှိပုဂ္ဂိုလ်များ တက်ရောက်ပါသည်။

ရှေးဦးစွာ လွှတ်တော်များဖွံ့ဖြိုးတိုးတက်ရေးဆိုင်ရာ ပေါင်းစပ်ညှိနှိုင်းဆောင်ရွက်ရေးအဖွဲ့ JCC ဥက္ကဋ္ဌက အဖွင့်အမှာစကား ပြောကြားပြီး Hanns Seidel Foundation-HSF မြန်မာနိုင်ငံဆိုင်ရာ ဌာနေ ကိုယ်စားလှယ် Mr. Achim Munz က ကျေးဇူးတင်စကား ပြန်လည်ပြောကြားပါသည်။ ဆက်လက်၍ နားလည်မှုစာချွန်လွှာ(MoU) အား ပြည်ထောင်စုလွှတ်တော် ညွှန်ကြားရေးမှူးချုပ် JCC အဖွဲ့ အတွင်းရေးမှူး ဦးကျော်စိုးနှင့် Hanns Seidel Foundation-HSF မှ ဌာနေကိုယ်စားလှယ် Mr. Achim Munz တို့က လက်မှတ်ရေးထိုးကြပါသည်။

၂၀၁၉ ခုနှစ်၊ မေလ  ၃၁ ရက်