Skip to main content

ပြည်သူ့လွှတ်တော်၊ လွှတ်တော်ရေးရာ စွမ်းရည်မြှင့်တင်ရေးအကြံပေးအဖွဲ့ အဖွဲ့ခေါင်းဆောင် ဒေါ်စုစုလွင် Hanns Seidel Foundation မှ ဌာနေကိုယ်စားလှယ် Mr. Achim Munz အားလက်ခံ တွေ့ဆုံ

 

ပြည်သူ့လွှတ်တော်၊ လွှတ်တော်ရေးရာ စွမ်းရည်မြှင့်တင်ရေးအကြံပေးအဖွဲ့ အဖွဲ့ခေါင်းဆောင် ဒေါ်စုစုလွင် သည် Hanns Seidel Foundation မှ ဌာနေကိုယ်စားလှယ် Mr. Achim Munz အား ယနေ့နံနက် ၁၀ နာရီခွဲတွင် နေပြည်တော်ရှိ လွှတ်တော်ရေးရာဆောင်၊ အဆောင်အမှတ် (I-1) အစည်းအဝေးခန်းမ၌ လက်ခံတွေ့ဆုံသည်။

ထိုသို့တွေ့ဆုံစဉ် Hanns Seidel အနေဖြင့် မြန်မာလွှတ်တော်နှင့် အနာဂတ်ကာလတွင် ပြည်သူ့ဆက်ဆံရေးနှင့် နိုင်ငံတကာဆက်ဆံရေးဆိုင်ရာကိစ္စရပ်များ၊ ဖက်ဒရယ်ဝါဒဖော်ဆောင် နိုင်ရေး၊ ပြည်သူများ၏တိုင်ကြားစာများဆိုင်ရာကိစ္စရပ်များ နှင့် တိုင်းဒေသကြီးနှင့် ပြည်နယ် လွှတ်တော်များ၏ အခန်းကဏ္ဍများတွင် ကူညီဆောင်ရွက်ပေးနိုင်ရေးဆိုင်ရာ ကိစ္စရပ်များကို ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြသည်။

အဆိုပါတွေ့ဆုံပွဲသို့ လွှတ်တော်ရေးရာစွမ်းရည်မြှင့်တင်ရေး အကြံပေးအဖွဲ့ အဖွဲ့ခေါင်းဆောင် ဒေါ်စုစုလွင် နှင့်အတူ ပြည်သူ့လွှတ်တော်ရုံးမှ တာဝန်ရှိသူများ တက်ရောက်ခဲ့ကြသည်။

၂၀၁၉ ခုနှစ်၊ အောက်တိုဘာလ ၃ ရက်