Skip to main content

ကိုရီးယားသမ္မတနိုင်ငံသို့ ချစ်ကြည်ရေးခရီးရောက်ရှိနေသော ပြည်သူ့လွှတ်တော်ဥက္ကဋ္ဌ ဦးတီခွန်မြတ်  မြန်မာသံရုံးဝန်ထမ်းများနှင့် တွေ့ဆုံ

ကိုရီးယားသမ္မတနိုင်ငံ၊ အမျိုးသားလွှတ်တော်ဥက္ကဋ္ဌ H.E. Mr. Moon Hee-sang ၏ ဖိတ်ကြားချက်အရ ကိုရီးယားသမ္မတနိုင်ငံသို့ ချစ်ကြည်ရေးခရီးရောက်ရှိနေသည့် ပြည်သူ့လွှတ်တော် ဥက္ကဋ္ဌ ဦးတီခွန်မြတ် ခေါင်းဆောင်သော မြန်မာလွှတ်တော်ချစ်ကြည်ရေးကိုယ်စားလှယ်အဖွဲ့သည်  အောက်တိုဘာလ ၅ ရက်နေ့ ဒေသစံတော်ချိန် မွန်းတည့် ၁၂၀၀ နာရီချိန်တွင် ကိုရီးယားသမ္မတ နိုင်ငံဆိုင်ရာ မြန်မာသံရုံးသို့ ရောက်ရှိပြီး မြန်မာသံအမတ်ကြီးနှင့် သံရုံးဝန်ထမ်းများအား ရင်းရင်းနှီးနှီး တွေ့ဆုံသည်။

ယင်းနောက် ဒေသစံတော်ချိန် ၁၈၄၅ နာရီချိန်တွင် ပြည်သူ့လွှတ်တော်ဥက္ကဋ္ဌ ခေါင်းဆောင်သော မြန်မာလွှတ်တော် ချစ်ကြည်ရေးကိုယ်စားလှယ်အဖွဲ့သည် ချစ်ကြည်ရေးခရီးစဉ် ပြီးဆုံး၍ ကိုရီးယားသမ္မတနိုင်ငံ၊ အင်ချွန်းလေဆိပ်မှ ပြည်ထောင်စုသမ္မတမြန်မာနိုင်ငံသို့ ပြန်လည် ထွက်ခွာရာ ကိုရီးယားသမ္မတနိုင်ငံ၊ အမျိုးသားလွှတ်တော်မှ တာဝန်ရှိပုဂ္ဂိုလ်များနှင့် ကိုရီးယား သမ္မတနိုင်ငံဆိုင်ရာ မြန်မာသံအမတ်ကြီး ဦးသန့်စင်တို့က အင်ချွန်းလေဆိပ်တွင် ပို့ဆောင်နှုတ်ဆက် ကြသည်။  

၂၀၁၉ ခုနှစ်၊ အောက်တိုဘာလ ၆ ရက်