Skip to main content

 

တောင်သူကြီးများ မိသားစုအလိုက် ဝင်ငွေပိုမိုတိုးတက်ရရှိရေးအတွက် အဖိုးတန်နှစ်ရှည်သီးနှံ တစ်မျိုးဖြစ်သော လျှော်ဖြူပင်ခေါ် ဆေးကုလားမပင် စိုက်ပျိုးထုတ်လုပ်ခြင်းကို နယ်ပယ်ဒေသ အသီးသီးတွင် စိုက်ပျိုးလုပ်ကိုင်နေကြပြီဖြစ်သဖြင့် နိုင်ငံတော်အစိုးရမှ ဈေးကွက်ခိုင်မာသည့်‌ နိုင်ငံခြားပို့ကုန်အဆင့်‌အထိ ရောက်ရှိအောင်မည်ကဲ့သို့ ကူညီဆောင်ရွက်ပေးမည်ကို သိလိုခြင်းနှင့်‌ စပ်လျဉ်းသည့်မေးခွန်း

မိမိတို့နိုင်ငံသည် စိုက်ပျိုး‌ရေးကိုအခြေခံသော နိုင်ငံဖြစ်သဖြင့်‌ မိသားစုပုံမှန်ဝင်ငွေရရှိစေရန် ဥယျာဉ်ခြံသီးနှံများ၊ နှစ်ရှည်ခြံသီးနှံများ၊ တန်ဖိုးမြင့်‌နိုင်ငံခြားပို့ကုန်သီးနှံများကို ပိုမိုစမ်းသပ်လုပ်ကိုင် စိုက်ပျိုးလာသည်ကို တွေ့မြင်နေရပါကြောင်း၊ ဤကဲ့သို့ စမ်းသပ်စိုက်ပျိုးရာတွင် စမ်းသပ်သည့်‌ အဆင့်‌မျိုးသာဖြစ်သဖြင့်‌ သီးနှံဖြစ်ထွန်းအောင်မြင်မှု၊ ဈေးကွက်ပီပြင်ခိုင်မာမှုတို့ကို မည်သူမျှ အာမမခံရဲကြပါကြောင်း၊ လွန်ခဲ့သောသုံးနှစ် ဝန်းကျင်ခန့်က ကြယ်ပဲခေါ် နှစ်ရှည်သီးနှံတစ်မျိုးကို နိုင်ငံခြားပို့ကုန် အဆင့်‌မြင့်‌ ရောင်းတန်းဝင်သီးနှံအဖြစ် လူပြောများပြီး ကြေညာအားကောင်းခဲ့ သော်လည်း လက်တွေ့စိုက်ပျိုးသည့်‌ တောင်သူများအကျိုး မဖြစ်ထွန်းသည်ကို မြင်တွေ့ကြရပါကြောင်း၊ ကြယ်ပဲကို ကုန်ချောအဖြစ် ဖန်တီးနိုင်သော်လည်း ကြယ်ပဲဆီတစ်ပုလင်းလျှင် ၃၀၀၀၀ မှ ၅၀၀၀၀ ကျပ် အထိ ဆီဈေးနှုန်းမြင့်‌မားခြင်း အဆင့်‌မြင့်‌ကြော်လှော် ထုပ်ပိုးပြီး ကြယ်ပဲစေ့တစ်ထုပ်လျှင် ၂၅၀၀ ကျပ်ခန့် ဈေးရှိခြင်းတို့ကြောင့်‌ ပြည်တွင်း၌ပင် ရောင်းချရန် မအောင်မြင်ခဲ့ပါကြောင်း၊ ယခု ဧကအလိုက် စိုက်ပျိုးထားသူများ အခက်တွေ့ရပါကြောင်း၊ အလားတူ ရွှေဖြူခေတ်ဟု ခေတ်ကောင်းခဲ့သော ရော်ဘာပင်ကို တစ်ပိုင်တစ်နိုင်စိုက်ကြရာမှ နိုင်ငံခြားပို့ကုန်အဖြစ် နယ်စပ်ပေါက်အသီးသီး၌ ပွဲစားများ၏ ခြယ်လှယ်သည့်‌ နှုန်းထားဖြင့်‌သာ ဈေးကွက်အဖြစ် ဖန်တီးယူနေကြရပါကြောင်း၊ ရော်ဘာအနေဖြင့် ခိုင်မာသော ပို့ကုန်တစ်ခုအဖြစ်သို့ ရောက်ရှိရန် ကမ္ဘာ့ရော်ဘာ တက်ဈေး/ကျဈေး များနှင့်‌အညီ အရောင်းအဝယ် ဖြစ်ပေါ်နေသည်ကို တွေ့မြင်ကြရပါကြောင်း၊ ယနေ့ သတင်းမီဒီယာ များတွင် လျှော်ဖြူပင်ခေါ် ဆေးကုလားမပင်၏ တန်ဖိုးမြင့်‌မားပုံ၊ ရောင်းတန်းဝင် နိုင်ငံခြားပို့ကုန်အဖြစ် မြင်တွေ့၊ ကြားသိနေရပါကြောင်း၊ လက်တွေ့နယ်ပယ်တွင်လည်း အပူပိုင်းဇုန်ဒေသ အသီးသီးမှ တစ်အုပ်တစ်မ စိုက်ခင်းအဖြစ်လည်းကောင်း၊ သီးညှက်သီးနှံအဖြစ်လည်းကောင်း၊ သီးနှံရောနှော စိုက်ခင်းအဖြစ်လည်းကောင်း စိုက်ပျိုးလုပ်ကိုင်နေကြပြီ ဖြစ်ပါကြောင်း၊ ပင်လယ်ရေမျက်နှာပြင် အမြင့်‌ပေ ရာသီဥတုနှင့်‌ သဘာဝအနေအထားအရ ရှမ်းပြည်နယ်နေရာ အချို့တွင်လည်း ဧကစိုက်ကွက်များ၊ နေကြာပင်များ၊ အရိပ်ရပင်များ မိသားစုဝင်ငွေ တိုးတက်မှုရရှိအောင် စတင်စိုက်ပျိုး လုပ်ကိုင်နေသည်ကိုလည်း မြင်တွေ့ရပါကြောင်း၊ စိုက်ပြီးသုံးနှစ်မှ ငါးနှစ်အတွင်း အစေးစတင် ထုတ်ယူနိုင်ပြီး အနှစ် ၃၀ မှ ၅၀ သက်တမ်းရှည်ကြောင်း သိရှိရပါသည်။ လျှော်ဖြူပင်ခေါ် ဆေးကုလားမပင်မကို စက်မှုကုန်ကြမ်းသီးနှံ အဖြစ်လည်းကောင်း၊ စားသောက်ကုန်ဆေးဝါးနှင့်‌ အလှကုန်လုပ်ငန်း တို့နှင့်‌လည်းကောင်း အဓိကထားသုံးစွဲရသဖြင့်‌ နိုင်ငံခြားမှ ဈေးကြီးပေး၍ ဝယ်ယူလေ့ရှိကြောင်း သိရပါသည်။ ယခုအခါ နိုင်ငံ၏ဒေသ အနှံ့အပြားတွင် စိုက်ပျိုးဖြစ်ထွန်းနိုင်မည့်‌ နေရာများ၌ အသင်းအဖွဲ့များ၏ အဆက်အသွယ်များဖြင့်‌သာ ဖြန့်ကျက်စိုက်ပျိုး နေကြပြီ ဖြစ်ပါကြောင်း၊ စိုက်ပျိုးရေးကို အဓိကထားလုပ်ကိုင်နေရသည့်‌ ဒေသအသီးသီးမှ တောင်သူကြီးများအတွက် အမှန်တကယ်အကျိုးစီးပွား ဖြစ်ထွန်းမည်ဆိုပါက လျှော်ဖြူပင်ခေါ် ဆေးကုလားမပင်ကို နိုင်ငံတော်မှ တွန်းအားပေးစိုက်ပျိုး လုပ်ကိုင်စေသင့်‌ပါကြောင်း၊ စီးပွားဖြစ် နှစ်ရှည်သီးနှံဖြစ်ခြင်း၊ အပူပိုင်းဇုန် ဒေသများ၌ ဖြစ်ထွန်းသဖြင့်‌ သဘာဝပတ်ဝန်းကျင်ထိန်းသိမ်းမှု ပိုမိုအထောက်အကူ ဖြစ်စေနိုင်ခြင်း၊ မိသားစုတစ်ပိုင်တစ်နိုင် ဝင်ငွေရရှိစေခြင်းစသည့်‌ အကျိုးကျေးဇူးများကြောင့် လျှော်ဖြူပင်နှင့်‌ ပတ်သက်သည့်‌ သတင်းအချက်အလက်များနှင့်‌ စိုက်ပျိုးရန်မျိုးစေ့ဖြန့်ဝေခြင်း၊ ဈေးကွက်ဖန်တီး ပေးခြင်းတို့ကို နိုင်ငံတော်အစိုးရမှ ကူညီဆောင်ရွက် ပေးသင့်‌ပါကြောင်း၊ အဓိကအားဖြင့်‌ စမ်းတဝါးဝါးစိုက်ပျိုး လုပ်ကိုင်နေရသော တောင်သူဦးကြီးများအတွက် အာမခံချက်ပေးနိုင်သည့်‌ ဈေးကွက် ဖြစ်ပေါ်လာရေးအတွက် အဓိကကျပါကြောင်း၊ နိုင်ငံတော်အစိုးရမှ ပါဝင်ဆောင်ရွက် ပေးသည်ဟု ထင်မြင်မိပါသဖြင့်‌ မိမိမေးလိုသည်မှာ မေးခွန်း (၁) တောင်သူဦးကြီးများ မိသားစုအလိုက် ဝင်ငွေ ပိုမိုတိုးတက်ရရှိရေးနှင့်‌ သဘာဝပတ်ဝန်းကျင် စိမ်းလန်းစိုပြည်သာယာ လှပရေးအတွက် အဖိုးတန်နှစ်ရှည်သီးနှံ တစ်မျိုးဖြစ်သော လျှော်ဖြူပင်ခေါ် ဆေးကုလားမပင် စိုက်ပျိုးထုတ်လုပ်ခြင်းကို နယ်ပယ်ဒေသအသီးသီးတွင် စိုက်ပျိုးလုပ်ကိုင်နေပြီဖြစ်သဖြင့်‌ နိုင်ငံတော်အစိုးရမှ ဈေးကွက် ခိုင်မာသည့် နိုင်ငံခြားပို့ကုန်အဆင့်‌ထိ ရောက်အောင်မည်ကဲ့သို့ ဆောင်ရွက်ပေးနိုင်မည်ကို သိရှိလိုပါကြောင်း မေးမြန်းပါသည်။


 

 

နှစ်ရှည်သီးနှံတစ်မျိုးဖြစ်သည့် လျှော်ဖြူပင်၏အစေးသည် မြန်မာနိုင်ငံအတွက် အလားအလာရှိသော ပို့ကုန်တစ်မျိုး ဖြစ်ပါကြောင်း၊ လျှော်ဖြူပင်ကို အပင်ငယ်စဉ် နှစ်နှစ်၊ သုံးနှစ်သားအထိ ကြားသီးနှံပင် အဖြစ် စိုက်ပျိုးနိုင်ပါကြောင်း၊ အပင်သက်တမ်း သုံး၊ လေးနှစ်၊ လုံးပတ် ၂၅ လက်မမှ ၂၇ လက်မ အရွယ်တွင် စတင်၍ နေ့စဉ်အစေးထုတ်နိုင်ပါကြောင်း၊ ရှစ်နှစ်မှ ၂၀ နှစ်သားအထိ အထွက်အများဆုံး ဖြစ်ပါကြောင်း၊ လျှော်ဖြူပင်များသည် မြန်မာနိုင်ငံအနှံအပြား တောင်တန်းများပေါ်တွင် အခြားသစ်ပင်များနှင့်‌ ရောနှော၍ အလေ့ကျပေါက်လေ့ ရှိပါကြောင်း၊ လျှော်ဖြူစေးသည် ဂျယ်လတင် ပါဝင်မှုကြောင့်‌ ရေကိုအဆများစွာ စုပ်ယူ၍ပွစေနိုင်ခြင်း၊ ရေနှင့်‌ပေါင်းစပ်၍ နူးညံ့ပျော့ပြောင်းသော ဂျယ်လ်အဖြစ် ပုံသဏ္ဌာန်အမျိုးမျိုး ပြောင်းလဲနိုင်ခြင်းအပြင် စေးပျစ်စေခြင်း၊ ကော်ကပ်နိုင်စွမ်းရှိခြင်းနှင့် အက်စစ်ပျော့နှင့်‌ အဏုဇီဝပိုးများ၏ ချေဖျက်တိုက်စားမှုဒဏ် ခံနိုင်ရည်ရှိခြင်းစသည့် ထူးခြားသောရုပ်နှင့်‌ ဓာတ်ဂုဏ်သတ္တိများရှိခြင်းကြောင့်‌ ကမ္ဘာပေါ်ရှိ လူသုံးကုန်ပစ္စည်းများ ထုတ်လုပ်ရေးလုပ်ငန်းများ၊ စက်မှုလုပ်ငန်းများတွင် ကျယ်ပြန့်စွာ အသုံးပြုကြသည့်အပြင် စားသောက်ကုန်သရေစာနှင့်‌ မုန့်လုပ်ငန်းများ၊ အလှကုန်ပစ္စည်း ထုတ်လုပ်ရေးလုပ်ငန်းများ၊ ဆေးဝါးထုတ်လုပ်ရေး လုပ်ငန်းများ၊ ရက်ကန်းနှင့်‌အထည် အလိပ်လုပ်ငန်းများ၊ ပုံနှိပ်လုပ်ငန်းများတွင် အမျိုးမျိုးသုံးစွဲကြပါကြောင်း၊ မြန်မာနိုင်ငံတွင် လျှော်ဖြူခေါ် ဆေးကုလားမအား ရေခဲမုန့်၊ ရွှေရင်အေး၊ ဖာလူဒါစသည့် ရိုးရာစားသောက်ကုန် လုပ်ငန်းများတွင် သုံးစွဲကြပါကြောင်း၊ တိုင်းရင်းဆေးတွင် ဆီးရွှင်ဆေး၊ ဝမ်းနုတ်ဆေးများတွင် ဆေးဝါးအသွင် အသုံးပြုကြပါကြောင်း၊

ထို့ကြောင့် လျှော်ဖြူပင်ကို လွန်ခဲ့သည့်ဆယ်နှစ်မှစ၍ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီးတို့တွင် စီးပွားဖြစ်စိုက်ပျိုး ထုတ်လုပ်လာကြောင်း တွေ့ရှိရပါသည်။ လျှော်ဖြူစေး ပြည်ပသို့ တင်ပို့နိုင်ရေးနှင့်‌  ဈေးကွက် ပိုမိုရရှိရေးအတွက် ၂၀၁၇ ခုနှစ် ဒီဇင်ဘာလတွင် ကျင်းပပြုလုပ်သည့် (၁၆) ကြိမ်မြောက် မြန်မာ-တရုတ်နယ်စပ်၊ ရွှေလီကုန်စည်ပြပွဲတွင် မြန်မာနိုင်ငံ လျှော်ဖြူ စိုက်ပျိုးထုတ်လုပ်သူများအသင်းက လျှော်ဖြူစေးအရည်အသွေး အမျိုးမျိုးကို ပထမဆုံးအကြိမ် ဝင်ရောက်ပြသခဲ့ရာ တရုတ်နိုင်ငံမှ  စိတ်ဝင်စားမှုများ ရရှိခဲ့သည့်အပြင် တရုတ်ပြည်သူ့သမ္မတနိုင်ငံ၊ ကူမင်းမြို့တွင် ၂၀၁၈ ခုနှစ် ဇွန်လအတွင်းပြုလုပ်ခဲ့သည့် (၂၅) ကြိမ်မြောက် ကူမင်းပို့ကုန်/သွင်းကုန် ကုန်စည်ပြပွဲတွင်လည်းကောင်း၊ ဂျပန်နိုင်ငံ၊ တိုကျိုမြို့တွင် ၂၀၁၈ ခုနှစ် ဇွန်လအတွင်း ဂျပန်-မြန်မာပွဲတော်တွင်လည်းကောင်း လျှော်ဖြူစေးများကို ပါဝင်ပြသခဲ့ရာ စိတ်ဝင်စားမှု များပြားခဲ့ပါကြောင်း၊

လျှော်ဖြူစေးကို တရုတ်နိုင်ငံသို့ Food Additive အဖြစ် တင်ပို့နိုင်ပါကြောင်း၊ တရုတ်နိုင်ငံသို့ ၂၀၁၇-၁၈ ဘဏ္ဍာရေးနှစ်တွင် တစ်တန်လျှင် အမေရိကန်ဒေါ်လာ ၃၅၀၀ နှုန်းဖြင့်‌ ၀.၅၂၅ တန် နယ်စပ် ကုန်သွယ်ရေးမှတစ်ဆင့်‌ တင်ပို့နိုင်ခဲ့ပါကြောင်း၊ တရုတ် (တိုင်ပင်) သို့ မြန်မာနိုင်ငံ MBM Company က လျှော်ဖြူစေးတင်ပို့ရန် ပို့ကုန်လိုင်စင်လျှောက်ထားခဲ့ရာ တစ်တန်လျှင် အမေရိကန်ဒေါ်လာ ၄၀၀၀၀ ဖြင့်‌ လျှောက်ထားလာသည်ကို တွေ့မြင်ရပါကြောင်း၊ မြန်မာနိုင်ငံလျှော်ဖြူစေး ထုတ်လုပ်မှု တိုးတက်ရေးအတွက် စီးပွားရေးနှင့်‌ကူးသန်းရောင်းဝယ်ရေး ဝန်ကြီးဌာန ပြည်နယ်နှင့်‌တိုင်းဒေသ ကြီးများတွင် ဖွင့်‌လှစ်ထားသော ကုန်သွယ်မှုဗဟိုဌာန (၁၂) ခုမှ ကုန်သွယ်မှု၊ စီးပွားရေး၊ ကုန်ထုတ်လုပ်မှုနှင့်‌ သက်ဆိုင်သည့် သတင်းဖြန့်ဝေခြင်း၊ ဝန်ဆောင်မှုလုပ်ငန်းများအား အဓိက ဦးစားပေးဆောင်ရွက်လျက် ရှိပါကြောင်း၊ ဒေသအလိုက်ထွက်ရှိသော လျှော်ဖြူစေးများအား ကုန်သွယ်မှု ဗဟိုဌာနများအလိုက် ဒေသထွက်ကုန်ပြခန်းများ၌ ကုန်ပစ္စည်းအချက်အလက်များ ပြုစုပြသခြင်း၊ ဝယ်ယူလိုသော ကုန်သည်များသိရှိစေရေးအတွက် သတင်းဖြန့်ဝေခြင်းများကို ဆောင်ရွက်ပေးလျက် ရှိပါကြောင်း၊

ဒေသထွက်ကုန်ပြပွဲများနှင့်‌ အလုပ်ရုံဆွေးနွေးပွဲများတွင်လည်း မြန်မာ့လျှော်ဖြူစေးများ ပြည်ပသို့ ဈေးကွက်တိုးချဲ့ တင်ပို့နိုင်ရေးအတွက် ပြခန်းများဖွင့်‌လှစ် ပြသနိုင်ရန် စီစဉ်ဆောင်ရွက်ပေးခြင်း၊ စာတမ်းများ ဖတ်ကြားရှင်းလင်းခြင်းကို ဆောင်ရွက်လျက် ရှိသည့်အပြင် လျှော်ဖြူထုတ်လုပ်မှုမှာ စုပေါင်းဆောင်ရွက်မှု ရရှိလာစေရေးနှင့်‌ လျှော်ဖြူကုန်စည်ဒိုင်များ ဖွံ့ဖြိုးလာရေးအတွက် မြန်မာနိုင်ငံ လျှော်ဖြူအသင်းအား ၂၀-၉-၂၀၁၇ ရက်နေ့တွင် အသင်းသား ၄၅၅ ဦးဖြင့်‌ ဖွဲ့စည်းခဲ့ပြီး မကွေးတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး တို့တွင်လည်း လျှော်ဖြူအသင်း၊ အစုအဖွဲ့များ ဖွဲ့စည်းထားရှိပြီး ဖြစ်ပါကြောင်း၊

စိုက်ပျိုးရေး၊ မွေးမြူရေးနှင့်‌ဆည်မြောင်းဝန်ကြီးဌာန အနေဖြင့်‌လည်း လျှော်ဖြူပင်ကို သဘာဝပတ်ဝန်းကျင် ထိန်းသိမ်းရေးနှင့်‌ ရာသီဥတုပြောင်းလဲမှုအပေါ် လိုက်လျောညီထွေ ဖြစ်စေရေးအတွက် သီးနှံအမယ်စုံ စိုက်ပျိုးရေး (Crop Diversification) နှင့်‌ သီးနှံ၊ သစ်တောရောနှော တောင်သူပညာပေး စိုက်ကွက်များအဖြစ် စိုက်ပျိုးပြသလျက် ရှိပါကြောင်း၊ စီးပွားရေးနှင့်‌ ကူးသန်းရောင်းဝယ်ရေး ဝန်ကြီးဌာနအနေဖြင့်‌ လျှော်ဖြူအပါအဝင် မြန်မာနိုင်ငံမှထွက်ရှိသော ခိုင်မာသောဈေးကွက် ရှာဖွေနိုင်ရေးအတွက် မြန်မာသံရုံး၊ စီးပွားရေးသံရုံးများမှတစ်ဆင့်‌ လည်းကောင်း၊ နိုင်ငံတကာကုန်စည်ပြပွဲများတွင် ပါဝင်ပြသခြင်းဖြင့်‌လည်းကောင်း၊ ထုတ်ကုန်ဆိုင်ရာ အသင်းအဖွဲ့များ ဖွဲ့စည်းပေးခြင်းဖြင့်‌လည်းကောင်း၊ အလုပ်ရုံဆွေးနွေးပွဲများ ကျင်းပပေးခြင်းဖြင့်‌ လည်းကောင်း၊ ဈေးကွက်အ‌ခြေအနေများ စုံစမ်းထောက်လှမ်းခြင်းနှင့်‌ ဈေးကွက်ရရှိရေးအတွက် ညှိနှိုင်းဆွေးနွေးခြင်းများကို ဆောင်ရွက်လျက် ရှိပါကြောင်းနှင့် ဈေးကွက်ဆိုင်ရာ သတင်းအချက် အလက်များကို စီးပွားရေးနှင့်‌ကူးသန်းရောင်းဝယ်ရေး ဝန်ကြီးဌာန Website တွင် ဖော်ပြပေးလျက် ရှိပါကြောင်း ရှင်းလင်းဖြေကြားပါသည်။

စီးပွားရေးနှင့်‌ ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီး ဦးအောင်ထူး