Skip to main content

 

ပဲခူးမြစ်ကူးတံတား (သံလျင်တံတားအမှတ်-) တည်ဆောက်ရေးစီမံကိန်းအား စီမံကိန်းမျှော်မှန်း ကာလအတွင်းပြီးစီးအောင် ဆောင်ရွက်နိုင်ခြင်းရှိ/မရှိ၊ လက်ရှိစီမံကိန်းဆောင်ရွက်မှု အခြေအနေ မည်သည့်အဆင့် ရောက်ရှိနေကြောင်းနှင့် စီမံကိန်းတံတားကို မည်သည့်ဒီဇိုင်းဖြင့် တည်ဆောက်နေ သည်ကို သိလိုခြင်းတို့နှင့် စပ်လျဉ်းသည့်မေးခွန်း

 

မိမိတို့ သန်လျင်မြို့သည် ရန်ကုန်မြစ်၏ တစ်ဖက်ကမ်းတွင်ရှိသည့် မြို့တစ်မြို့ဖြစ်ပါကြောင်း၊ တစ်ချိန်က သန်လျင်မြို့ကို သွားမည်ဆိုလျှင် သင်္ဘောဖြင့် သွားရပါသော်လည်း ၁၉၉၃ ခုနှစ်တွင် တရုတ်-မြန်မာ ချစ်ကြည်ရေးအနေဖြင့် လက်ရှိသန်လျင်အမှတ် () တံတားကို ဖွင့်ခဲ့ပါကြောင်း၊ နောက်ပိုင်းတွင် ဆောက်လုပ်ရေးတံတား အထူးအဖွဲ့ကနေပြီး အမှတ် () တံတား ကုလားဝဲဘက်တွင် တစ်ခုဖွင့်ခဲ့ပါကြောင်း၊ ယခုဆိုလျှင် သန်လျင်မြို့သည် တက္ကသိုလ်ငါးခုရှိသည့်မြို့၊ မြန်မာနိုင်ငံ၏ ပထမဦးဆုံး အထူးစီးပွားရေးဇုန်ဖြစ်သည့် သန်လျင်သီလဝါ အထူးစီးပွားရေးဇုန် ရှိပါကြောင်း၊ ထို့ကြောင့် ဖွံ့ဖြိုးလာသည်နှင့်အတူ မြို့မှာလူဦးရေထူထပ်မှုလည်း သိပ်များလာပါကြောင်း၊ ထို့အတူ ဖွံ့ဖြိုးမှုအပေါ် ခြေခံပြီး သီလဝါဆိပ်ကမ်းကိုလာသည့် ကုန်သွယ်ကွန်တိန်နာ များအားလုံးက အမှတ် () တံတားကဖြတ်ပြီး၊ တက္ကသိုလ်ငါးခုကိုလာသည့် ကျောင်းသားများ၊ သီလဝါအထူးစီးပွားရေးဇုန်ကို သွားနေသည့်သူများ၊ သန်လျင်မြို့ကနေပြီး ရန်ကုန်ကိုအလုပ်ဆင်းနေသည့် ပြည်သူလူထု အများစုသည် အမှတ် () တံတားမှ ဖြတ်ပါကြောင်း၊ ထို့အတူ ယခုလိုဖွံ့ဖြိုးမှုနှင့်အတူတူ နောက်ထပ် အနာဂတ်တွင်လည်း သန်လျင်မြို့သည် ဗီယက်နမ်နိုင်ငံ၊ ဒါနန်းမြို့မှ ကမ္ဘောဒီးယားနိုင်ငံ၊ လာအိုနိုင်ငံ၊ ထိုင်းနိုင်ငံကိုဖြတ်ပြီး ဆောက်နေသည့် Easern of Economic Corridor နှင့် စပ်ရန်ဆိုပြီးလည်း ကမ္ဘာ့ဘဏ်မှ ဒေါ်လာသန်း ၄၀ ချသည့်အထဲတွင် သနပ်ပင်မြို့နယ်၊ ခရမ်းမြို့နယ်၊ သုံးခွမြို့နယ်မှ ဘသီလဝါကို ချိတ်ဆက်မည့် Plan တစ်ခုရှိပါကြောင်း၊ ပြည်ထောင်စုလွှတ်တော်ကလည်း သဘောတူညီမှုရထားပြီး ဖြစ်ပါကြောင်း၊ နောက်ထပ် Plan တစ်ခုက ပြီးခဲ့သည့်လက Outering Road စီမံကိန်းအတွက် မိမိတို့မြို့နယ်များတွင် Survey များ ကောက်နေပါကြောင်း၊ နောက်ထပ် မဟာဗျူဟာ စီမံကိန်းတစ်ခုက ယခုမိမိမေးခွန်း မေးမြန်းသွားမည့် သန်လျင်-ရန်ကုန် အမှတ် () တံတား ဖြစ်ပါကြောင်း၊

အနာဂတ်တွင်ရှိနေသည့် မကြာခင်မှာ အကောင်အထည် ပေါ်လာတော့မည့် စီမံကိန်းသုံးခုကသာ ထပ်ပြီးအကောင်အထည် ဖော်လာမည်ဆိုလျှင် မိမိတို့မြို့မှာ လမ်းအသုံးပြုမှုသည် ၎င်းထပ်ပိုပြီး အခက်အခဲ ရှိနိုင်သည့်အနေအထား ရှိပါကြောင်း၊ ယခုဆို ပြည်သူလူထုက Easern of Economic Corridor နှင့် ဖြတ်ပြီးဆောက်မည့် ကိစ္စကိုလည်း သိနေပြီဖြစ်ပါကြောင်း၊ နောက်တစ်ခုက Outering Road ကလည်း ပြည်သူများနှင့်ကို တိုင်ပင်သည့် Survey လုပ်ငန်းများလည်း မြေပြင်တွင်စတင်နေပြီ ဖြစ်ပါကြောင်း၊ ပြည်သူများအဓိက စိုးရိမ်နေသည်မှာ လက်ရှိရှိသည့် အမှတ် () တံတား ဖြစ်ပါကြောင်း၊ ကျောင်းသားများ စာမေးပွဲဖြေသည့်အချိန်တွင် ၎င်းတံတားက တစ်လမ်းမောင်း ဖြစ်သည့်အတွက်ကြောင် လမ်းပိတ်သည့် အန္တရာယ်လည်း ကြုံရပါကြောင်း၊ သို့သော်လည်း မိမိတို့ ပြည်သူလူထုနှင့် တွေ့သည့်အခါ နောက်ထပ်လုပ်မည့် အမှတ် () တံတား ဖြစ်ပါကြောင်း၊  အဆိုပါ အဖြေကသာလျှင် မိမိတို့၏ ပြဿနာများကို ရှင်းလင်းအောင် ဖြေကြားပေးနိုင်မည့် ကိစ္စဖြစ်ပါကြောင်း၊ အမှတ် () တံတားက လက်တွေ့တကယ် အကောင်အထည်ဖော်ရန် ရှိ/မရှိဆိုသည့် မေးခွန်းမျိုးများ လူထုတွေ့ဆုံပွဲတိုင်း အမြဲတမ်းဖြေရပါကြောင်း၊

သို့သော်လည်း ပြီးခဲ့သည့် ၂၀၁၈-၁၉ ဘတ်ဂျက်နှစ်တွင် မိမိတို့ သန်လျင်တံတားအတွက် ဘတ်ဂျက်စပြီး ပါလာသည်ကို တွေ့ရှိရပါကြောင်း၊ ယခု မေးခွန်းမေးရသည့် အကြောင်းရင်းက ပြည်သူလူထုကို လတ်တလော ဖြစ်နေသည့် အကျပ်အတည်းများက ကာလတိုဖြင့် ဖြေရှင်း၍ မည်ကဲ့သို့မှ မရသည့်အခါ အစိုးရက လုပ်ထားသည့်အနာဂတ် Plan ကို ပြည်သူက သေသေချာချာ သိချင်ပါကြောင်း၊ မိမိတို့ သန်လျင်မြို့နယ်တွင် ရှိနေသည့် ပြည်သူများက အမှတ် () တံတားနှင့် ပတ်သက်ပြီး စီမံကိန်းကို သတ်မှတ်သည့် ကာလအတွင်းပြီးစီးအောင် ဆောင်ရွက်နိုင်ရေးအတွက် တင်ဒါဆွဲသည့် Process ကအစ မည်ကဲ့သို့ဆွဲထားသနည်း၊ နောက်တစ်ခါ ၎င်းအဆောက်အဦကို သတ်မှတ်သည့် ဘတ်ဂျက်ကာလအတွင်း အမှန်တကယ် ပြီးစီးနိုင်ရေးရှိ/မရှိ၊ နောက်တစ်ခုက အဆိုပါ လုပ်ငန်းတံတားနှင့် ပတ်သက်သည့် ဒီဇိုင်းများကို ပြည်သူဘက်ကလည်း အထူးစိတ်ဝင်စားမှု ရှိနေသည့် အတွက်ကြောင် ပြည်သူလူထု၏ကိုယ်စား အနာဂတ် Plan သည် တကယ်လက်တွေ့ အကောင်အထည် ဖော်မည်ကို မဲဆန္ဒနယ်ပြည်သူလူထုက သိရှိအောင် မည်ကဲ့သို့ ဆောင်ရွက်မည်ကို သိလိုပါကြောင်း မေးမြန်းပါသည်။


မြန်မာနိုင်ငံတစ်ဝန်း ယာဉ်စီးရေများပြားလာခြင်းနှင့် ရန်ကုန်တိုင်းဒေသကြီးအတွင်း သီလဝါစက်မှုဇုန် ဖွံ့ဖြိုးတိုးတက် လာခြင်းတို့ကြောင့် တစ်နေ့တာသွားလာနေသည့် ယာဉ်စီးရေသည် သိန်းနှင့်ချီပြီး သွားလာနိုင်ကြောင်း ခန့်မှန်းရသည့်အတွက် သန်လျင်တံတားအသစ်တစ်စင်း တည်ဆောက်ရန် လိုအပ်လာပါသည်။ ထို့ကြောင့် သန်လျင်တံတားအသစ်တစ်စင်း တည်ဆောက်နိုင်ရေးအတွက် ဂျပန်အကူအညီ JICA ODA Loan ဖြင့် တည်ဆောက်ရန် ညှိနှိုင်းခဲ့ပါကြောင်း၊ ပဲခူးမြစ်ကူးတံတား (သန်လျင်တံတားအမှတ်-) ဆိုလျှင် သန်လျင်မြို့နယ်နှင့် သာကေတမြို့နယ်တို့ကို ဆက်သွယ် ပေးမည့် Landmark  တံတားဖြစ်သည့်အတွက် တံတားပုံစံလှပစေရန်နှင့် တံတားအဝင်/အထွက် လမ်းကြောင်းများ လှပပြီးအဆင်ပြေစေရန်တို့ကိုပါ ထည့်သွင်းညှိနှိုင်း ဆွေးနွေးခဲ့ပါကြောင်း၊ တံတား၏ အရှည်သည် ၃၅၀၀ မီတာရှိပြီး ပင်မတံတားကို Cable Stayed Bridge နှင့် ဆောင်ရွက်သွားမည် ဖြစ်ပါကြောင်း၊ တံတားအဆင်း ချဉ်းကပ်လမ်းသည် ရှုခင်းသာလမ်းမကြီးနှင့် ရတနာလမ်းမကြီးတို့ကို ဖြတ်ကျော်ပြီး သာကေတအဝိုင်းအနီး သွားဆုံမည်ဖြစ်ပါကြောင်း၊ ပဲခူးမြစ်ကူးတံတား (သန်လျင် တံတားအမှတ်-) တည်ဆောက်ရာ၌ ချဉ်းကပ်တံတားအပိုင်းနှင့် ပင်မတံတားအပိုင်းဟူ၍ နှစ်ပိုင်းခွဲပြီး တင်ဒါခေါ်ယူခဲ့ရာ သန်လျင်ဘက်ကမ်း ချဉ်းကပ်တံတားနှင့် ပင်မတံတားအပိုင်းကို Sumitomo Mitsui Construction Co.,Ltd နှင့် Yokogawa Bridge Corporation တို့က တင်ဒါ အောင်မြင်ခဲ့ပြီး သာကေတချဉ်းကပ်တံတား အပိုင်းကို Tokyu Construction Co.,Ltd က တင်ဒါအောင်မြင် ခဲ့ပါကြောင်း၊

ပဲခူးမြစ်ကူးတံတား (သန်လျင်တံတားအမှတ်-) ကို Cable Stayed Bridge Steel Box Girder + PC Box Girder Bridge နှင့် Flyover Bridge ပုံစံတို့ဖြင် တည်ဆောက်သွားမည် ဖြစ်ပါကြောင်း၊ တည်ဆောက်ရေး ကာလက ယခု ၂၀၁၉ ဘဏ္ဍာရေး နှစ်တွင် စတင်တည်ဆောက်နေပြီး ၂၀၂၂ ဘဏ္ဍာရေးနှစ်တွင် ပြီးဆုံးမည်ဖြစ်ပါကြောင်း၊ ယခုတံတားလုပ်ငန်းများ စတင်နေပြီဖြစ်ပြီး တံတား တစ်စင်းလုံး ပြီးဆုံးသွားလျှင် တံတားကြီးကိုတွေ့ရှိရမည် ဖြစ်ပါကြောင်း ရှင်းလင်းဖြေကြားပါသည်။

 

ဆောက်လုပ်ရေးဝန်ကြီးဌာန၊ ဒုတိယဝန်ကြီး ဦးကျော်လင်း